الخميس، 13 يناير 2022
المسلسل هذا حكايتوا ڨعدت تتعاود كل مرة باش يبينلك ورااه حكم وراه دروس لازم يتعلمهم الانسان انه مايضمنش وجود حد وانه اي حد عجال مصلحتوا في اي لحظة ينجم يتخلى عليك من غير حتى مبررات ياخذك لحم ويسيبك عظم بعد ما يستنزف منك كل شي تكون البدايات محلاها و يعيشك la belle vie تلقى كمية كبيرة مالحماس واللهفة وتڤول كيفي ما كيف حد خاطر يحب يوصلك ويضمن محبتك؛ وكيف يضمن انه انت وقعت فالفخ يولي معادش ليك وقت باش يهز عليك حتى تليفون وهاك الحجج والاسباب متاع الخدمة واكااا الخنار وانت ماعليك... كان تسكت ويعرفك ماليك كان الصبر ... ماتختبروش صبر الناس ووقتهم ... ماتلعبوش بقلوبهم ومشاعرهم كل واحد يمشي على قد خطوتوا ويستقنع بلي عندوا الفلوس نستغلوها باش نعيشوا باها moyen de vivre موش باش نبيعوا ونشروا بيها مشاعر الناس . حسوا بقيمة العباد الي عندكم واستغلوا الفرص خاطر الندم بعد مايفوت الوفت ماينفعش الي يحبك يبقى كل يوم يحبك بنفس الطريقة مستحيل يتبدل عليك ومايخممش يبيعك ماتلعبوش باولاد وبنات الناس والي يعرف روحوا موش قد الحاجة مايدخلش فيها ملول . #اسلام_سالمي
الاشتراك في:
تعليقات الرسالة (Atom)
ليست هناك تعليقات:
إرسال تعليق