الخميس، 10 فبراير 2022
اليوم باش نحكيلكم على "دار ماما" بلاصة هاذي الي ترد الروح وبما أنه روحك يا ميمة يا عزيزة عند ربي نحب اي حد يتعد ڤدام هالتصويرة يترحم عليك اليوم جيت حوشك وانت ما...كش غادي ؛ وبقيت نخزر لهاك المادة ونتخيل فيك بشانك و"عكفتك" وطقرفيتت محرمتك وانت تمرحبي بينا وفارحة بينا حتى واحنا كنا مقصرين كنت تستنينا نطلوا عليك ونعملوا كالقعيدة فالساحة ودخلت دارك ريحتك والله في كل بلاصة شفتك دوري وانت تجيبلنا من تراكينك وهاك الصندوق الازرڤ وشدانك ليدايا وكبسانك عليها وستنينا حميت "ڤوجتك" وخبزك لبنين وعشاك هالمرڤة البنينة ايييه معونك ومناديلك وال buffet الي كان ما يڤرب ليه حد وكيسانك ههه والتلفزة متاعك الي منحلوهاش باش متهربش ولا ترڤدينا قبل الوقت وتلمينا لبعضنا وتغطينا حتى فالصيف لازمنا نتغطوا توحشنا عظام دجاجتك الي كنت متحبيش تڤعدي وتتسبي تروحي ليهم ماصاب ڤعدتي لينا دخلت بيتك وشفت "الكوميدنوا " وين تحطي ساكك الي مايقرب ليه حد وين مخدتك وبلاصتك نتفكر كيفاه نرقدوا بحذاك ذنبة وراس وعلى جنب أحفادك الكل وكنا فرحانين عللخر والله ريحتك فالدار صدقيني الحس باهت ودنيا رايضة ڤداش كان حسك وتخرنينك مالي حيوط دار ڤداش توحشناك تلمينا وتڤعدينا مبعضنا الكلنا ؛ صدقيني كي نڤلك الي محسيتكش مشيتي غير اليوم نحسك ديما حية وانت مازالتي حية فينا وفي قلوبنا الله يرحمك ❤ كلنا نحبوك ومننسولك حتى دعوية خير ومننسولك حتى لحظة معانا ولا حكايتك وحدثاتك والله كنت الي يجيك تزوريه بجبة من جبايبك ولا من حاجاتك وكنت الي يجيك لازم يتعشى وياكل من ماكلتك ايييه ولا خبزك وزيتك وعظيماتك وحاجتك الحلوة أرضك وحوشك واولادك واحفادك توحشنااك والله #اسلام_سالمي
الاشتراك في:
تعليقات الرسالة (Atom)
ليست هناك تعليقات:
إرسال تعليق