توحشتك و توحشت عينيك، و توحشت ريحتك و يديك ! توحشت كلامك و سلامك، توحشت حضنك و دفاك ! توحشت تفدليكك و هبالك، ضحكتك و تبسيمتك ! تنوميسك و غزراتك من تحت ال تحت ! توحشت كي تشدلي يدي و تغزرلي العينية ! توحشت كي تقلي نحبك برشا و منيش بش نبعد عليك ! توحشت كي نبداو نحوسو و انا شدتك و أنت تغزرلي و تتبسم ! توحشت كي نبدى نغزرلك و انت تحكي تحكي و قداه تعجبني و نبدى فرحانة ! توحشت كلامنا و ضحكنا و تفدليكنا ب سوايع ! توحشت كي تبدى تغنيلي ! توحشت غشك و تنرفيزك، حزارتك و تنبيهك ! توحشت عركاتنا اما فيسع نرجعوا لبعضنا و زوز نطلبو سماح من بعضنا، توحشت كي نقولو نفس الكلمة في نفس الوقت، كي نتنهدوا زوز في نفس الوقت، كي نقعدوا ساكتين و نضحكوا في نفس الوقت! توحشت كي تبدى متقلق ولا فادد و تحكيلي و تفرغلي قلبك و تستأمني على سرك، توحشت كي نقعد ننصح فيك، كي نغير عليك و انت تسكتني كي تقلي محلاك راني نحبك ... توحشتك أنت، ٱي أنت بكلك، بمزاياك و اغلاطك، توحشتك أنت كيما أنت ! توحشتك أنت يا روح قلبي، توحشتك أنت و منصبرش عليك

شارك الموضوع على : Facebook Twitter Google+