اي الرعب دا بجد♥️من اسبوعين انا استقبلت تعليق غريب ! ، التعليق كان من حد انا معرفوش، وكمان مكنش من الناس ال انا بشوفهم بشكل دوري .. ال لفت نظري هو التعليق الغامض من حروفه وهو بي...قول "" مش حابب تعرف حاجة مثيرة ومش تقليدية لكن الاهم انها حقيقية !"" في الحقيقة انا متعود علي الطريقة دي في الكلام ، وديما بقابلهاا بشكل متكرر ، في مجالنا الادبي بنسميها "" الطُعم"" يعني محاولة لفت انتباه ، شكرت صاحب التعليق وقولتله "" مفيش مشاكل اطلاقا ياريت تبعتلي تفاصيل حكايتك "" وعشان اكون صريح نسيت الموضوع تماما .. بعدها باسبوع وصلتني رسالة من صاحب التعليق ، كنت بقرا الرسالة وانا متردد ومش مستوعب ال بقرا ! .. صاحب الرسالة كان بيتكلم عن حاجة مبسمعش عنها كتير غير في الارياف وكان مسميها "" حضرة الزار"" لما قريت اول رسالة اول حاجة جت في بالي إن الشخص ده خياله واسع اوي، مش كده وبس ده كمان ينفع يبقي مؤلف من الطراز الاول ! ..بس بعد مكملت قراية السطور حسيت إن في تفاصيل دقيقة والاحداث الغريبة هزتني وانتبه كل حواسي .. ومن احساسي حسيت إن ال شخص بيراسلني وراه فعلا حاجه ! دي مش مجرد حكاية من الحكايات ال بيالفها الناس بغرض الاستمتاع ، الموضوع ده في شيء اعمق بكتير .. ومن هنا بدات اتجااوب معاه ، انا طولت عليك في المقدمة بس كان لازم اعرضهالك واقولك كمان انك مش متضطر تصدق كل ال بطلبه منك انك تقراها زي مجالتي بعد التلقيح ال عملته وتغير اسامي الابطال بالكامل ! وبعد كده تقرر انا بخاف من اخويا يحي الاكبر .. مش عشان هو اكبر مني بسنتين لا ! .. ده عشان تصرفاته الغريبة ، سالت نفسي يمكن ده بسبب إنه اتدفن حي قبل كده ؟ .. لا انا مش عايزك تستغرب القصة لسه طويلة وهحكيهالك كلها بالتفاصيل ! .. اخويا يحى اتولد مريض وجسمه قليل وعشان عندنا اطباء مش قد كده في بلادنا خلوا الحالة بتاعته اسواء بكتير ، كان خبر مفزع جدا لوالدي لما قالوا إن يحي عنده مرض السكر وهو عمره 8 سنين ، وبرغم إن عيلتنا كلها محدش قبل كده كان بيعاني من السكر ، ديما بتحصله نوبات اغماء بسببه ، واصعب حاجة حصلت للعائلة لما قرروا إن رجله يحصلها بتر عشان بسبب المرض اللعين ده .. لحد مبقي عمره 16 سنة .. صحيت علي صوت صراخ امي وهي وخلاتي .. كلهم قالوا إن يحي مات ! .. كان اصعب يوم في حياتي .. لما الدكتور بتاع الوحدة قالنا إننا اتاخرنا جدا .., دخلت في نوبة اكتئاب حادة ومكنتش طايق حد ، في عدتنا في الارياف بناخد العزاء 3 ايام .. في اليوم التالت بالتحديد ! .. لقينا كل كراسي الصوان بتقع والناس بتجري .. وخايفه ! .. مبقاش في العزاء غيرنا تقريبا .. بس ساعتها عرفنا هو ليه الناس بتجري ..كان اخويا يحي واقف في اخر الصوان برجل واحده ومترب تماما وجسمه متغطي بحته من الكفن ! .. كان منظر مفزع ومخيف ..! انا فاكر ساعتها إن اغمي عليا .. ولما صحيت لقيت ان العزا اتبددل لفرح .. وان الاطباء غلطت في التقرير وان هو جاله غيبوبة سكر ، طبيا في حالات القلب فيها بيتوققف لفترة او بيقل النبض بشكل كبير لدرجة إن ميلاحظوش الطبيب ، وطبعا في بلادنا الحارة بنقول "" إكرام الميت دفنه "" ، بس في ظل الاحتفالات ال احنا كنا فيها .. كان يحي اتبدل تماما .. شعره بقي ابيض وده اكيد بسبب الصدمة ال اتعرض ليها .. كمان كان رافض ياكل اي حاجة او يتكلم مع حد ! .. الوضع ده اسمتر لفترة كبيرة ..بس الاسواء من ده إنه بقي يكلم نفسه كتير خصوصا قدام المرايات ، كنت بحاول امنع نفسي من الكلام معاه بعد حاله ال اتبدل ! .. بس السبب الاكيد ال كان مخليني ابعد اكتر اني لحظت إنه مبيبحش اي حاجة فيها ذكر لله ! .. كمان من نظراته ليا وانا بصلي بتخليني احس بخوف ورعشة .. لدرجة اني مبقتش احب اصلي في اي مكان هو قريب منه، الوضع كان كل ال في البيت ملاحظة مش مستخبي علي حد بس محدش قادر يتكلم في .. بس جتلي الجراه في يوم اني افتحه مع ابويا وهو مع عمي .. وساعتها عمي اتكلم وقال لابويا -- ياساامي انت لازم تشوف الواد !! .. ال شافه بردو مش قليل ! ده بات ليلتين في القبر ولحسن الحظ انه إدفن في لحد خاص بي ومدفنهوش في مقبرة العائلة وقفلنا بالخرساان !! شوف الواد ياساامي وااتكلم معاه ! .. ابويا سمع الكلام فعلا وبقي يحاول يتكلم معاه .. ويقفل عليه الاوضه ! .. بس لما كان بيخرج ، كان بيبان علي ابويا الخوف الشديد والعرق ال نازل من جبينه برغم إنه شديد وشاف الاصعب من كده في بلدنا ؟ .. بعدها بكام يوم كنت من مجموعة دراسية عاملنها مدرسين قريتنا .. عشان الاقي منظر خلي معصم ايدي يترعش و احساس لسعة كهربائية ماسكه عمودي الفقري ..! كان ابويا مكتف اخويا باللحبال في كرسي في ركن البيت وواقف .. اما اخويا كانت نظرة عنيه كلها غضب وتحدي وهو بيشتم ابويا بابششع الالفاظ !! وبمجرد دخولي نظرات اخويا اتحوولت ليا وهو بيبتسملي وبيضحك زي المجانين ! امي خرجتني برا .. ووالدي قرر يقرا عليه شوية ، بس يحي كان بيصرخ ويتشنج ، انا مكنتش فاهم في ايه ! .. لحد مافهمت إن اخويا ممسوس وانتشر الخبر في قريتنا اسرع من النار في الهشيم .. في الوقت ده كنت بقعد عند خالتي باستمرار مش قادر اقعد في البيت من كل الاحداث ال بشوفهاا ! من كسر اللمبات واهتزاز الكراسي والاصوات ال بتخرج من الحمام وحوش الغنم ! والدي جاب اكتر من شيخ واكتر من رقية بس كان الناتج إنه بيتحسن يوم بس بيرجع يسوء اكتر !! .. لحد ماحكماء القرية نصحوا والدي "" بحضرة الزار"" صمموا ان كل ال في البيت يحضر .. دخلت مجموعة لابسة جلاليب وفي ايديهم ناي ودف وطبوول .. وجابوا يحي من اوضته ، كانوا بيغنوا ويرقصوا بشكل هسيتري ومجنون ويحي في وسطهم ! الغريب إن يحي كان متجاوب اوي معاهم وبيرقص ويتنطط وهو برجل واحده !! الكلام مكنش مفهوم او مالوف ليا ! وكمان كنت حاسس ان ده مش يحي ال بيهز دماغه وسطهم !! .. يحي اصلا مبيعرفش يرقص .. وبعدها لقيت ابويا داخل بجدي من الحوش ودبحه واحد من المجموعه وفضل يرش دمه علي يحي !! .. بعد مخلصه قرروا إن يحي يفضل منعزل لاسبوع ومهما يعمل محدش يقرب منه ونعمل ليه فتحه للاكل بس ! .. عمري مهقدرر انسي الاسبوع ده !! .. يحي كان طول الوقت بيصرخ في اوضته .. بيطلب اننا نفتح بس مفيش حد راضي ، احيانا امي بتضعف من توسله ليها بس ابويا كان بيرفض ! .. البيت بقي كئيب ومرعب .. مبقتش قادر في وعشان كده قررت اني اقعد عند خالتي .. زوجها كان امام مسجد القرية وساعتها قالي -- ال والدك عمله ده ياااحسام غلط كبير .. الزار ده حرام شرعا انا عارف انك لسه صغير بس ال والدك عمله إنه عالج الداء بداء اكبر ، وإنه بس حب يعمل استرضاء ليهم ، إنه سلمتوا بيتكوا وسلمتوه جسده .. ده ناهيك إنه دبح لغير الله !.. مكنتش عارف نتيجة ال بيقوله زوج خالتي غير بعد شهر واحد بس .. لما صحيت عند خالتي ولقيتها بتحضني وبتبكي .. مكنتش عارف السبب ! .. بس عرفت بعدها إن بيتنا ولع نتيجة انفجار انبوبة .. امي ماتت هي وابويا ، اما الغريب ان اخويا يحي لحد دلوقتي مش لاقين جثته ! .. بس انا واثق من حاجتين .. إن البيت متولعشش نتيجة انبوبة !، وان يحي اخويا لحد دلوقتي مماتش ..! .. القصة من 10 سنين .. من 10 سنين انا سافرت من البلد وقررت اني مش هقعدد فيها لحظة .. بس رجعت ال شهر ال فات بعد مالخالتي اتوفت وكان واجب اني احضر جنازتها.. البلد كلها لما شافتني كانت تقريبا بتتجنبني علي استيحاء .. سالت ابن خالتي ، قالي - بيتكوا الشرقي السبب ياحسام لحد دلوقتي الناس بتسمع صوت صراخ منه برغم إنه مهجور بقاالوا فوق ال 10 سنين ، حتي جاركوا الحج فاروق مستحملش وباع بيته برخص التراب .. لحد دلوقتي ياعصام الناس خايفة تعدي من الشارع بتاعكوا .. كان كلامه بنسبة ليا في نوع من الخوف .. بس ال رعبنني وال خلاني اقرر اني منزلش البلد تاني ، هي زيارة قبر ابويا وامي .. كنت بشييل الفواتح .. وبحكيي معاهم شوية وانا مغمض عيني! .. سمعت صوت بكاء ورايا !! .. فتحت عيني ملقتش اي حد .. بلعت ريقي وحطيت الجاكيت عليا وقررت امشي في هدوء من غير حتي مبص وراايا ، بس قبل ما خرج من البوابة بصيت بصه سريعة ! .. لقيت شخص برجل واحدة واقف جمب قبر ابويا وامي وبيبص عليا !! .. -------------------------- قصة جديدة اتمني تعجبكوا .. ولو عجبتك متنساش الايك والشير لانه بيدعمني ويخليني اكمل ❤️

شارك الموضوع على : Facebook Twitter Google+